ملیحه عزیزپور دان شعرلر
***
شه هر
نه قده ر کیچیکمیش
پنجره سیندن
باخاندا...
***
یار بیزه قوناق گله جک ایدی
بیلمیرم نه واخت
گلدی-گئتدی
هئچ
خبریم اولمادی!
***
... بنزتدیم سنی
او قده ر باخدیم کی
گؤزلریمده باتدی
گونش...
***
بیز کی عئینی زاماندا
چیخدیق آلما داشیماغا
بس نئجه اولدو
سن،
قانادلانیرسان اوچماغا.
من
هله
اوشودوم ها اوشودومده قالمیشام...
***
چیلله باسمیش گونلریمه
بایرام گتیردی گؤزلرین
ساچلاریمداکی قارلاری اریتمک اوچون
بیر باخیشلیق
گونش وئررمیسن منه؟
***
بارماقلارینی کسدیلر
دیلینی قوپاردیلار
شئعیر- شئعیر چورویه جک
حددینی بیلمه ین شاعیر
حاققینی دوشونن کافیر...
قایناق:سو پیچیلتیسی، ملیحه عزیزپور(شعر توپلوسو)،قانون۲۰۱۰